"ಎಲ್ಲಾ....ಪ್ರೇಯಸಿಗಾಗಿ---!!! "

ಬೆರಳಷ್ಟೇ ಗಾತ್ರದ

ಹಸಿರು ಪುಟ್ಟ ಹಕ್ಕಿ!!

ನುಗ್ಗೆ ಮರದ ಹೂವಿಗೆ

ಲಗ್ಗೆ......... ಹಾಕಿದೆ!!

ನುಗ್ಗೆ ಮರಕ್ಕೋ ರೋಮಾಂಚನ!!

ರೆಂಬೆ ರೆಂಬೆಗೂ ಹಸಿರು ಹುಚ್ಚು!!

ಪಕ್ಕದ ಗುಲ್ಮೊಹರಿಗೆ,

ಮೈ ತುಂಬಾ ಕೆಂಪು ಕಿಚ್ಚು !!

ಗಾಳಿಯಲ್ಲೇ ರೆಕ್ಕೆ ಬಡಿದು,

ಮಧುವ ಹೀರಿದ ಮತ್ತಿನಲ್ಲಿ

ಅಲ್ಲೇ ಒಂದರೆ ಕ್ಷಣ ,

ತೇಲಾಡುವ ತ್ರಿಶಂಕು!!!

ಮತ್ತೆ ಮರದ ಮೇಲೆಕೂತು,

ಗತ್ತಿನಿಂದ ಕತ್ತು ಕೊಂಕಿಸಿ,

ಪುಚ್ಚಗಳ ತಿದ್ದಿ ತೀಡಿ,

ಅತ್ತಿತ್ತ ತಿರುಗಿ ....,

ಚುಂಚದಲ್ಲೊಂದು ಹೂವ ಹಿಡಿದು,

ಪುರ್ರನೆ ಹಾರಿತ್ತು !!!

ಪ್ರೇಯಸಿಯ ಹುಡುಕುತ್ತಾ !!!