ಇಗೋ ,ಹಿಂದೆ ಸರಿಯುತ್ತಿದ್ದೇನೆ . ಹೌದಪ್ಪಾ ಮರೀ,ನೀನೆನ್ನುವುದೇ ಸರೀ ಕುಣಿದೂ,ಕುಣಿದೂ ದಣಿದಿದೆಕಾಲು.ಕಿರಿಯರಿಗೆ ಜಾಗಬಿಟ್ಟು,ರಂಗಸ್ಥಳದಿಂದ ಕೆಳಗಿಳಿದು,ಪರದೆ ಹಿಂದೆ ಸರಿಯುವುದೇ ಮೇಲು !ಕರಗಿದೆ ಮುಖಕ್ಕೆ ಹಚ್ಚಿದ ರಂಗು !ಮತ್ತೇಕೆ ನನಗೆ ಥಳಕು ಬೆಳಕಿನಾ ಹಂಗು.?ಕಳಚಿ ಬಿದ್ದಿವೆ, ಭುಜಕೀರ್ತಿ ಕಿರೀಟ.ತಣ್ಣಗಾಗಿವೆ ಕತ್ತಿ ಗಧೆಗಳ ಆರ್ಭಟ! ತಾಳ ತಪ್ಪಿ ಕುಣಿದಿದ್ದೇನೆ !ನಾನೇ ಸರಿ ಎನ್ನುತ್ತಾ,ಅಹಂಕಾರದಲಿ ಮೆರೆದಿದ್ದೇನೆ!ಚಂಡೆ ಮದ್ದಳೆ ದನಿಗೆಕಿವಿ ಕಿವುಡಾಗಿದೆ !ಝಗಮಗಿಸುವ ದೀಪದ ಬೆಳಕಿಗೆ,ಕಣ್ಣು ಕುರುಡಾಗಿದೆ !ಪ್ರಸ್ಥಾನ ಗೀತೆ ಕೇಳಿಬರುತ್ತಿದೆ.ಅಸ್ತಮಿಸುವ ಸೂರ್ಯನೊಡನೆ ನಾನೂ ತೆರಳುತ್ತಿದ್ದೇನೆ !ನಾಳೆ ಮತ್ತೆಲ್ಲೋ....,ಬಾಲ ರವಿಯ ಜೊತೆಮತ್ತೆ ಉದಯಿಸುತ್ತೇನೆ!ಹೊಸ ಬಾಳ ರಂಗಸ್ಥಳದಲ್ಲಿಮತ್ತೊಮ್ಮೆ ಗೆಜ್ಜೆ ಕಟ್ಟಿ,ಹೆಜ್ಜೆ ಹಾಕುತ್ತೇನೆ !!( ಯಾವುದೋ ಹಳೆಯ ಪುಸ್ತಕವೊಂದರಲ್ಲಿ ಬರೆದಿಟ್ಟು ಮರೆತ ನನ್ನ ಕವಿತೆ😊)