B.T. ಬದನೆ (ಸಾಮಾನ್ಯನೊಬ್ಬನ------------ ಹನಿಸಿಕೆಗಳು)

ವಿಜ್ಞಾನದ ಲೇಬೆಲ್ ಹಚ್ಚಿಕೊಂಡ  ಅಜ್ಞಾನಿ  ಮಹಾಶಯರೇ!
ಪ್ರಳಯಾಂತಕರು ಸ್ವಾಮಿ  ನೀವು !
ನಮ್ಮ ತಟ್ಟೆಯ  ಬದನೆಯನ್ನೇ , 
ಕುಲಾಂತರಿಸಲು  ಹೊರಟಿದ್ದೀರಲ್ಲ!
ಪಾಪ , ಏನೂ  ಅರಿಯದ  ಮುಗ್ಧ  ಬದನೆಗಳು!
ಮೊನ್ನೆ  ಬೆಳಿಗ್ಗೆ  ದೋಸೆಗೆ  ಬದನೆ ಚಟ್ನಿ , 
ನಿನ್ನೆ  ಮಧ್ಯಾನ್ನ  ಬದನೆ ಸಾಂಬಾರ್,
ರಾತ್ರಿ  ಚಪಾತಿಗೆ  ತುಂಬು ಬದನೆಯ
ಮಸಾಲೆದಾರ್  ಪಲ್ಯ !
ಈ  ದಿನ  ಮಧ್ಯಾನ್ನ ವಾಂಗಿಬಾತು!
ಬದನೆಯ  ತಳಿಗಳೆಲ್ಲ  ಬ.ಟಿ.ಯ ಹೆಸರು  ಕೇಳಿ 
ಹೆದರಿ  ಗುಳೆ ಹೊರಟು ನಮ್ಮ  ಫ್ರಿಡ್ಜ್  ಸೇರಿವೆಯಲ್ಲ !  
ಫ್ರಿಡ್ಜ್ ಬಾಗಿಲು  ತೆರೆದು  ನೋಡಿದರೆ ,
ಆ  ಚಳಿಯಲ್ಲೂ  ಸಣ್ಣಗೆ  ಬೆವರುತ್ತಿವೆ  ಪಾಪ !
ಬ.ಟಿ . ಬದನೆಯ  ಆಕ್ರಮಣಕ್ಕೆ  ಹೆದರಿ !
ತರಕಾರಿಗಳ  ರಾಜ ವಂಶಜರೆ  ಹೆದರದಿರಿ!
ನಮ್ಮ  ಫ್ರಿಡ್ಜ್ ಗಳ  ಆಶ್ರಯದಲ್ಲಿ  
ತಣ್ಣಗಿರಿ  ಮಹಾಸ್ವಾಮಿಗಳೇ !
ನಿಮಗೆ  ವರ್ಣ  ಸಂಕರಣದ  ಭಯ  ಬೇಡ .
ನಾವಿದ್ದೇವಲ್ಲ  ಅಭಿಮಾನಿ  ದೇವರುಗಳು!
ಯಾವ  ಕಾಲಕ್ಕೂ  ನಿಮ್ಮ  ಹುಳುಕನ್ನು  
ಬಿಟ್ಟುಕೊದುವುದಿಲ್ಲ
ನೀವು  ನಮಗೆ 
 ಹೇಗಿದ್ದರೂ  ಚೆನ್ನ !