"ಮಹಿಳೆಯೇ ನಿನಗೆ...ಕೋಟಿ ನಮನ!"

(ಅಂತರ ರಾಷ್ಟ್ರೀಯ ಮಹಿಳಾ ದಿನಾಚರಣೆಯ ಈ ದಿನದಂದು ಜಗತ್ತಿನ ಎಲ್ಲಾ ಮಹಿಳೆಯರಿಗೆ ಶುಭ ಕೋರುತ್ತ )

'ಹೆಣ್ಣು ಸಂಸಾರದ ಕಣ್ಣು '!
ಮಾತೆಯಾಗಿ,ಮಡದಿಯಾಗಿ ,ಮಗಳಾಗಿ ,

ಅಕ್ಕ ತಂಗಿಯರಾಗಿ ,

ಮಮತೆಯ ಸಾಕಾರ ರೂಪವಾಗಿ ,
ಅಕ್ಕರೆ ಆಸ್ಥೆಗಳ ಊಡಿಸಿ,
ಸದಾ ಪೊರೆಯುವ ,ಜೀವದಾಯಿ ಗಂಗೆ !
ಇರಬಹುದು ಅಲ್ಲೊಂದು ಇಲ್ಲೊಂದು ,
ಸದಾ ಕಿರಿಕಿರಿ ಕೊಡುವ,
ಕಿಸಿರು ಕಣ್ಣು,--------ಅಪರೂಪಕ್ಕೆ!
ಹಾಗೆಂದು --------------,
ಬೆಳಕು ತೋರುವ ಕಣ್ಣನ್ನೇ ಹಳಿಯಬಹುದೇ?
ಕಣ್ಣು ಇಲ್ಲದಿದ್ದರೆ ನೋಟವೆಲ್ಲಿ ?
ಹೆಣ್ಣು ಇಲ್ಲದಿದ್ದರೆ ಪ್ರೀತಿಯೆಲ್ಲಿ?
ಪ್ರೀತಿ ಇಲ್ಲದಿದ್ದರೆ ಈ ಜಗವೆಲ್ಲಿ?
ಜಗಕೆ ಕಾರಣಳಾದ ಹೆಣ್ಣಿಗೆ,
ಈ ಜಗದ ----------ಕಣ್ಣಿಗೆ, 
ಕೋಟಿ, ಕೋಟಿ --------------,
------------ನಮನಗಳು!